Qoltuqçiçək canavargiləsi
Qoltuqçiçək canavargiləsi (lat. Daphne axilliflora) — bitkilər aləminin əməköməciçiçəklilər dəstəsinin timeleyakimilər fəsiləsinin canavargiləsi cinsinə aid bitki növü.
Qoltuqçiçək canavargiləsi | ||||
---|---|---|---|---|
Elmi təsnifat | ||||
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Klad: Klad: Klad: Klad: Dəstə: Fəsilə: Yarımfəsilə: Cins: Növ: Qoltuqçiçək canavargiləsi |
||||
Beynəlxalq elmi adı | ||||
|
Ümumi yayılması redaktə
Rusiya (Dağıstan), Gürcüstan və Kiçik Asiyada təbii arealı vardır.
Azərbaycanda yayılması redaktə
Təbii halda Göyçay rayonunda rast gəlinir.
Statusu redaktə
Azərbaycanın nadir bitkisidir.VU D2.
Bitdiyi yer redaktə
Tək-tək və ya qrup şəklində palıd-vələs meşələrində müşahidə edilir.
Təbii ehtiyatı redaktə
Azərbaycanda arealı geniş deyildir.
Bioloji xüsusiyyətləri redaktə
Təbiətdə qısaboylu, budaqlı kol bitkisidir. Budaqlarının rəngi bozumtul rəngdə olur. Canavargiləsinin yarpaqları ellipsşəkilli və ya uzunsuv neştərşəkilli olur. Yarpaqlarının uzunluğu 0,5-2 sm, eni isə 0,3-0,6 sm arasında ola bilir. Yarpaqlarının üst hissəsi seyrək tüklü, alt hissəsi isə uzunsov ağ tüklüdür. Ləçəklər ağ və ya çəhrayı rəngdə ola bilir. Bitkidə çiçəklərin sayı 3-4 arasında olmaqla zoğların uc hissəsində yerləşir. Yumurtalıqlar tükcüklü olub, uzunsovdur çəhrayı və ya qırmızı rəngdə olur. Bitki may-iyun ayları arasında çiçək açır və avqust ayında meyvə verir.
Çoxalması redaktə
Təbiətdə generativ və vegetativ yolla çoxalır.
Təbii ehtiyatının dəyişilməsi səbəbləri redaktə
Başlıca olaraq insan fəaliyyətidir.
Becərilməsi redaktə
Mədəni şəraitdə Nəbatat bağlarında becərilir.
Qəbul edilmiş qoruma tədbirləri redaktə
Xüsusi qəbul edilmiş qoruma tədbiri yoxdur.
Zəruri qoruma tədbirləri redaktə
Azərbaycanın "Qırmızı Kitabı"na daxil edilməsi zəruridir.
Sinonimləri redaktə
Homotipik sinonimləri redaktə
- Daphne caucasica subsp. axilliflora (Keissl.) Halda
- Daphne caucasica var. axilliflora Keissl.