Samir Eldar oğlu 1963-cü ildə Bakı şəhərində dünyaya gəlmişdi. Əslən Füzuli rayonunun Yağlıvənd kəndindəndir. Bakı Dövlət Universitetini bitirmişdi.^[1] Azərbaycan Dövlət Teleradio Verilişləri şirkətində "Xəzər" redaksiyasının baş redaktoru vəzifəsində işləyirdi. Aktual mövzuda publisistik yazıları ilə tanınırdı. 1994-dən etibarən "Qanlı iz", "650 km uzununda yol", "Satqın generallar" kimi beynəlxalq terror və erməni işğalı haqda çox sayda sənədli film hazırladı.

9 fevral 1998-də Samir Eldar oğlu Əsgərxanov ürək tutmasından vəfat edib.^[1]

Milli Təhlükəsizlik Nazirliyi onun şərəfinə "Samir Əsgərxanov" mükafatı təsis edib.^[2][3] Münsiflər heyətinin sədr müavini Məmməd Cəfərlinin sözlərinə görə, S. Əsgərxanov adına müsabiqə artıq bir neçə ildir ki, keçirilir və məhz bu il müsabiqəyə çoxlu maraqlı kitablar, monoqrafiyalar, elmi-tədqiqat məqalələri və işləri, heykəltəraşlıq nümunələri, şəkillər, sənədli filmlər və s. təqdim olunub. "Bütün bunlar erməni yalanına qarşı ideoloji mübarizədə mühüm əhəmiyyət kəsb edir"^[4]