Seyiçi Morimura
Seyiçi Morimura (森村 誠一, Morimura Seyiçi?, 2 yanvar 1933, Kumaqaya[d], Saytama prefekturası – 24 iyul 2023[1], Tokio) – müəmma janrında yazmış Yaponiya yazıçısı. İkinci Dünya müharibəsi zamanı Yaponiyada insanlar üzərində təcrübələr aparmış 731-ci dəstə haqqında olan mübahisəli "Şeytanın qarınqululuğu" ("Akuma no hoşoku") trilogiyasına görə tanınır.[2]
| Seyiçi Morimura | |
|---|---|
| yap. 森村誠一 | |
| Doğum tarixi | 2 yanvar 1933 |
| Doğum yeri |
|
| Vəfat tarixi | 24 iyul 2023[1] (90 yaşında) |
| Vəfat yeri | |
| Təhsili |
|
| Fəaliyyəti | yazıçı, roman yazıçısı |
| Fəaliyyət illəri | 1969–2023 |
| Əsərlərinin dili | yapon dili |
| Janr | detektiv |
Həyatı və karyerası redaktə
Seyiçi Morimura 1933-cü ildə Saytama prefekturasında doğulmuşdur. Kollecdən məzun olduqdan sonra 1964-cü ildə "Otani" hotelində işləməyə başlamış və növbəti 10 il oyunca burada işləmişdir.[3] Hoteldə işləyərkən jurnal məqalələri yazmağa başlamışdır.[2] İlk romanı "Böyük şəhər" ("Daytokay") 1967-ci ildə nəşr olunmuşdur.[4] "Çoxmərtəbəli binada ölüm" ("Koso no şikaku") romanına görə 1969-cu ildə Edoqava Rampo mükafatını,[3] 1973-cü ildə Yaponiya Müəmma Yazıçıları Mükafatını qazanmışdır.[2]
1976-cı ildə yazdığı "İnsanın sübutu" ("Ninqen no şomey") romanı qaradərili gəncin qətlindən bəhs edir və Yaponiyanın müharibədən sonrakı qaranlıq dövrünü işıqlandırır. Roman əsasında film çəkilmişdir. 1977-ci ildə nəşr olunmuş "Vəhşinin sübutu" ("Yasey no şomey") romanı ucqar bir kənddə baş vermiş soyqırımdan bəhs edir. 731-ci dəstənin insan təcrübələrindən bəhs edən "Şeytanın qarınqululuğu" əsəri 1981-ci ildə qəzet seriyası kimi nəşr olunmağa başlamışdır. Əsər bestsellerə çevrilmişdir və Yaponiyada sensasiyaya səbəb olmuşdur.[2]
2004-cü ildə Yaponiya Müəmma Ədəbiyyatı Mükafatını, 2011-ci ildə "Pis yol" ("Akudo") tarixi romanına görə Eyci Yoşikava Ədəbiyyat Mükafatını qazanmışdır. Yazıçılıqla yanaşı hayku şairi olmuş, 2006-cı ildə Tokioda yerləşən KAVA hayku cəmiyyətinin üzvü olmuşdur.[4] 24 iyul 2023-cü ildə ağciyər iltihabı səbəbilə Tokioda yerləşən bir xəstəxanada ölmüşdür.[2]
Şəxsi həyatı redaktə
İkinci Dünya müharibəsi zamanı Morimuranın yaşadığı ərazi ABŞ tərəfindən bombalanmış və bu səbəbdən pasifist prinsipləri mənimsəmişdir. Nüvə silahlarına qarşı olmaq və sülhü dəstəkləmək haqqında kitab yazmışdır. 2015-ci ildə konstitusiyanın Şinzo Abe tərəfindən yenidən təfsirinə qarşı baş vermiş aksiyalarda iştirak etmişdir.[2]
İstinadlar redaktə
- ↑ 1 2 Sandomir R. 日本作家森村诚一去世，作品曾揭露731部队暴行. 2023.
- ↑ 1 2 3 4 5 6 "Japanese novelist Seiichi Morimura, known for trilogy about wartime army unit's atrocities, dies". The Mainichi (ingiliscə). 25 iyul 2023. 30 sentyabr 2023 tarixində arxivləşdirilib. İstifadə tarixi: 30 sentyabr 2023.
- ↑ 1 2 Gid Powers, Richard; Hidetoshi Katō; Bruce Stronach. Handbook of Japanese popular culture. Greenwood Press. 1989. səh. 283. ISBN 9780313239229. 2023-07-27 tarixində arxivləşdirilib. İstifadə tarixi: 30 sentyabr 2023.
- ↑ 1 2 "Award-Winning Novelist Seiichi Morimura Dies at 90". The Japan News by the Yomiuri Shimbun (ingiliscə). 24 iyul 2023. 30 sentyabr 2023 tarixində arxivləşdirilib. İstifadə tarixi: 30 sentyabr 2023.
Fayl:The_North_Stoke_Primary_Care_Trust_(Establishmrut)_Amrudmrut_Order_2002_(UKSI_2002-1113).pdf
Fayl:Font_Awesome_5_solid_envelope.svg
GlobalUsageMilano-scalanotte.jpg
Fayl:AnthonyHopkins10TIFF.jpg
Fayl:Gomera.jpg
Fayl:Sumqayıt_bulvarı,_04.09.2016_-_49.jpg