Teymur bəy Qulubəyov neft qüllələrinin və bir neçə kerosin-benzin zavodlarını birləşdirən ticarət evinin yaradıcılarından biri olmuşdur. O, Nəcəfqulu Məmmədov ilə birlikdə 1909-cu ildə "T. Qulubəyovun və N. Məmmədovun ticarət evi"ni təşkil edirlər. Ticarət evinin Balaxanıda və Sabunçuda neft mədənləri, kerosin və benzin zavodları olub. Neft mədənlərinin istismarına 1913-cü ildə başlayıblar. Ayda 30 min pud neft çıxarırdılar. Öz neftlərindən əlavə kerosin zavodları üçün bir il müddətində 10 milyon pud neft almışdılar. İldə iki milyon yarımadək benzin emal edirdilər.

Ticarət evinin Xəzər dənizində gəmiləri, neft məhsullarını daşımaq üçün özlərinin xüsusi vaqon-sistemləri vardı. Bakıda, Petrovskda, Tiflisdə, Vladiqafqazda, Yekaterinadarda, Stavropol quberniyasında, Varşavada, Lodzda, Minskdə kontor və anbarları vardı.

T.Qulubəyov bir çox tanınmış neft sənayeçiləri ilə, o cümlədən Hacı Zeynalabdın Tağıyev ilə sahibkarlıq fəaliyyəti göstərirdi. O bir çox xarici şirkətlərlə əməkdaşlıq edirdi.

Teymur bəy Hüsniyyə xanımla ailə qurmuşdu. Əşrəf bəy adlı oğlu vardı.

• Teymur bəy Qulubəyov—Neft sənayeçisi kimi  (rus.) Arxivləşdirilib 2014-02-05 at the Wayback Machine