Ukrayna qadın milli voleybol komandası SSRİ-nin dağılmasından sonra (Ukrayna müstəqil olduqdan sonra) yaranmış və 1992-ci ildən beynəlxalq yarışlarda iştirak etmişdi. Beş qat dünya çempionu SSRİ-nin voleybol mədəniyyətini özündə toplaya bilən Ukrayna 1993-cü ildə Avropa qadınlar voleybol çempionatının final mərhələsinə vəsiqə qazana bilmişdi. Həmin millidən əslən ukraynalı voleybolçuları heyətinə cəlb edən komanda heyətini Avropanın əsas liqalarında çıxış edən oyunçulardan təşkil etmişdi. Bunun məntiqi nəticəsi kimi həmin Avropa çempionatının bürünc medalına da yiyələnmişdi.^[2]

Ukrayna 1994-cü ildə tarixində ilk dəfə olaraq Dünya Çempionatına vəsiqə qazana bilmişdi. Turnirdə 11-ci yeri tutan komanda bir daha bu mötəbər turnirdə iştirak edə bilməmişdi.

XX əsrin sonlarından etibarən Ukraynada dünya səviyyəli voleybolçularının yaşlanması, əvəzində isə gözlənilən gənc oyunçuların gəlməməsi böyük enişə səbəb olmuşdu. Avropa çempionatında üçüncülük yaşayan komandadan demək olar ki, əsər-əlamət qalmamışdı. Milli yığma uzun illər heç bir beynəlxalq turnirə vəsiqə qazana bilmirdi. Bunun əsas səbəblərindən biri də Ukrayna vətəndaşı olan voleybolçuların öz milli komandalarını seçməmələri idi. Belə ki, bir çox voleybolçu bu ölkənin vətəndaşı olmasına rəğmən ayrı-ayrı güclü milli komandaları seçirdi. Bu oyunçuların ən başında Azərbaycan milli komandasında oynayan əslən ukraynalı olan dünyaca məşhur voleybolçu Natalya Məmmədova gəlir.

2011-ci ildə səkkiz illik fasilədən sonra Avropa çempionatında iştirak etməsinə rəğmən qrupunda sonuncu yeri tutmuş və turnirlə ərkən vidalaşmışdı.

2014-cü ildə dünya çempionatının seçmə mərhələsində Türkiyə, Rumıniya və Kipr milliləri ilə eyni qrupa düşən komanda qrupda üçüncü yeri tutaraq final mərhələsinin biletini ala bilməmişdi. Həmin vaxt komandanın heyətində aşağıdakı oyunçular yer alırdı: Novgorodçenko, Kodola, Truşkina, Zakhozha, Savençuk, Pervukhina, Delros, Stepançuk, Lisienkova^[3]

2014-cü il üçün əsas heyəti

• Baş məşqçi :   Volodimir Buzaiev

Nömrə	Oyunçunun adı	Mövqeyi	Çıxış etdiyi klub
1	Yekaterina Kalçenko	Blokçu	Ximki
2	Маrinа Zaxojaya	Hücumçu	Ximki
3	İrina Truşkina	Blokçu	Ximki
5	Yuliya Pervuxina	Blokçu	Ximki
6	Anna Burbelyuk	Hücumçu	Severodonçanka
9	Tatyana Xilyuk	Toppaylayıcı	Ximki
10	Anna Lisenkova	Hücumçu	Severodonçanka
11	Alina Stepançuk	Libero	Ximki
12	Viktoriya Delros	Libero	Qalçanka TNZU
13	Yelena Novqorodçenko	Toppaylayıcı	Ximki
15	Olqa Savençuk	Hücumçu	Ximki
16	Nadejda Kodola	Hücumçu	Ximki

Olimpiya Oyunları redaktə

İl	Təşkilatçı şəhər	Nəticəsi
1996	Atlanta	11-ci yer
2000	Sidney	təsnifat keçilmədi
2004	Afina	təsnifat keçilmədi
2008	Pekin	təsnifat keçilmədi
2012	London	təsnifat keçilmədi
2016	Rio de Janeiro	?

Dünya Çempionatı redaktə

İl	Təşkilatçı ölkə	Nəticəsi
1994	Braziliya	11-ci yer
1998	Yaponiya	təsnifat keçilmədi
2002	Almaniya	təsnifat keçilmədi
2006	Yaponiya	təsnifat keçilmədi
2010	Yaponiya	təsnifat keçilmədi
2014	İtaliya	təsnifat keçilmədi

Avropa Çempionatı redaktə

İl	Təşkilatçı ölkə	Nəticəsi
1993	Çexiya	Bürünc medal
1995	Niderland	7-ci yer
1997	Çexiya	7-ci yer
1999	İtaliya	təsnifat keçilmədi
2001	Bolqarıstan	4-cü yer
2003	Türkiyə	9-cu yer
2005	Xorvatiya	təsnifat keçilmədi
2007	Belçika/  Lüksemburq	təsnifat keçilmədi
2009	Polşa	təsnifat keçilmədi
2011	Serbiya/  İtaliya	15-ci yer
2013	Almaniya/  İsveçrə	təsnifat keçilmədi

• Ukrayna Voleybol Federasiyası Rəsmi Saytı  (ukr.)