Vladimir Mixalevski

Vladimir Mixalevski
Vladimir Mixalevski
	rus. Владимир Михалевский
Ümumi məlumatlar
Doğum tarixi	29 noyabr 1959 (64 yaş)
Doğum yeri	Bakı, Azərbaycan SSR, SSRİ;
Vətəndaşlığı	SSRİ →; Rusiya
Boyu	177
Mövqeyi	müdafiəçi
Klub haqqında məlumat
Klub	klubsuz
Karyerası
Klub karyerası
Milli yığma
Təltif və medalları
	↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. ; ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı. ;

Vladimir Mixalevski (rus. Владимир Михалевский; doğ. 29 noyabr 1959, Bakı, Azərbaycan SSR, SSRİ) — müdafiəçi mövqeyində çıxış etmiş sovet futbolçusu. SSRİ idman ustası, Rusiyanın əməkdar məşqçisi.

Karyerası redaktə

Klub karyerası redaktə

Vladimir Mixalevski peşəkar karyerasına 1977-ci ildə Odessanın "OİK" komandasına başlayıb. Bu komandanın heyətində SSRİ ikinci liqasında 4 oyun keçirib.

1977-ci ildə "Neftçi" komandasına keçib. Bakı təmsilçisinin heyətində ilk görüşünü, 10 aprel 1977-ci ildə SSRİ Kubokunun 1/16 final mərhələsi çərçivəsində Minskin "Dinamo" komandasına qarşı keçirib. O, görüşün 63-cü dəqiqəsində Maşalla Əhmədovun əvəzinə meydançaya daxil olub.^[1] "Neftçi"nin heyətində ilk qolunu 2 may 1980-ci ildə Daşkəndin "Paxtakor" komandasının qapısından keçirib.^[2] Mixalevski 1977-1985-ci illərdə formasını geyindiyi "Neftçi" komandasının heyətində ümumilikdə çempionat və Kubok oyunlarında 208 oyun keçirib, 4 qol vurub.

1986-cı ildə SSRİ ikinci liqasında mübarizə aparan Bakının "Gənclik" komandasına keçib. Bu komandanın heyətində 26 oyun keçirib və 1 qol vurub.

Milli karyerası redaktə

1979-cu ildə SSRİ yığma komandasının heyətində Yaponiyada keçirilmiş 21 yaşlı futbolçular arasında dünya çempionatının gümüş mükafatçısı olmuşdur. O, turnirin final mərhələsində 5 oyun keçirib və 1 qol vurub.^[3]

Futboldan sonra redaktə

Mixalevski futbolçu karyerasını bitirdikdən sonra bir müddət əvvəlcə Bakıda, daha sonra isə Moskvada bizneslə məşğul olub.^[4]

2000-ci illərdə "Dinamo" ümumrusiya bədən tərbiyəsi-idman cəmiyyətinin Moskva şəhər təşkilatı sədrinin birinci müavini işləyib. 2008-ci ildə topla hokkey üzrə Rusiya yığmasının baş meneceri kimi çalışıb. 2011-ci ildə Vladiqafqazın "Alaniya" futbol komandasının vitse-prezidenti təyin olunub.^[5]

Mixalevski topla hokkey üzrə Beynəlxalq Federasiyanın vitse-prezidenti olub, həmçinin Rusiya topla hokkey federasiyasının icraiyyə komitəsinə daxil olub.^[5]

Təhsili redaktə

Mixalevski 1980-ci ildə S. M. Kirov adına Azərbaycan Dövlət Bədən Tərbiyəsi İnstitutunu, 1989-cu ildə isə N.A.Voznesenski adına Leninqrad Maliyyə-İqtisad İnstitutunu bitirib.^[5]

Mükafatları redaktə

1979-cu ildə 21 yaşlı futbolçular arasında dünya çempionatının gümüş mükafatçısı olduqdan sonra SSRİ idman ustası adını qazanıb.^[5]

Rusiyanın əməkdar məşqçisidir.^[5]

19 noyabr 2007-ci ildə Rusiyanın II dərəcəli "Vətən qarşısında xidmətlərə görə" ordeni medalı ilə təltif edilib.^[6]

"Dinamo"da işlədiyi dövrdə "Fəxri dinamoçu" nişanına və "Dinamo hərəkatına verdiyi xüsusi töhfələrə və yüksək idman nailiyyətlərinə görə" fəxri qızıl medalına layiq görülüb.

İstinadlar redaktə

↑ "«Динамо» Минск 5 : 0 «Нефтчи» Баку // Footballfacts.ru". 2019-10-12 tarixində arxivləşdirilib. İstifadə tarixi: 2020-07-31.
↑ "«Нефтчи» Баку 2 : 2 «Пахтакор» Ташкент // Footballfacts.ru". 2019-10-12 tarixində arxivləşdirilib. İstifadə tarixi: 2020-07-31.
↑ "Молодежная сборная СССР на чемпионатах мира // Kopanyi-myach.info". 2018-07-09 tarixində arxivləşdirilib. İstifadə tarixi: 2020-07-31.
↑ "Финт ушами, или не футбольные игры Машаллы Ахмедова // Day.az". 2022-01-21 tarixində arxivləşdirilib. İstifadə tarixi: 2020-07-31.
↑ ¹ ² ³ ⁴ ⁵ "Михалевский Владимир Иванович". Sport-strana.ru. 2019-10-10 tarixində arxivləşdirilib. İstifadə tarixi: 31 iyul 2020. (#apostrophe_markup)
↑ "Указ Президента Российской Федерации о награждении государственными наградами Российской Федерации // Pravo.gov.ru". 2022-01-27 tarixində arxivləşdirilib. İstifadə tarixi: 2020-07-31.

Xarici keçidlər redaktə

[club-1] Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.

[national-2] Rəsmi oyunlarda milli yığmanın heyətində keçirdiyi oyunların və vurduğu qolların sayı.

[3] "«Динамо» Минск 5 : 0 «Нефтчи» Баку // Footballfacts.ru". 2019-10-12 tarixində arxivləşdirilib. İstifadə tarixi: 2020-07-31.

[4] "«Нефтчи» Баку 2 : 2 «Пахтакор» Ташкент // Footballfacts.ru". 2019-10-12 tarixində arxivləşdirilib. İstifadə tarixi: 2020-07-31.

[5] "Молодежная сборная СССР на чемпионатах мира // Kopanyi-myach.info". 2018-07-09 tarixində arxivləşdirilib. İstifadə tarixi: 2020-07-31.

[6] "Финт ушами, или не футбольные игры Машаллы Ахмедова // Day.az". 2022-01-21 tarixində arxivləşdirilib. İstifadə tarixi: 2020-07-31.

[strana-7] ¹ ² ³ ⁴ ⁵ "Михалевский Владимир Иванович". Sport-strana.ru. 2019-10-10 tarixində arxivləşdirilib. İstifadə tarixi: 31 iyul 2020. (#apostrophe_markup)

[8] "Указ Президента Российской Федерации о награждении государственными наградами Российской Федерации // Pravo.gov.ru". 2022-01-27 tarixində arxivləşdirilib. İstifadə tarixi: 2020-07-31.

[* 1]

[* 2]

[1]

[2]

[3]

[4]

[5]

[6]

Vladimir Mixalevski Haqqinda Melumat - Vikipedia