Deysi Kori dəfələrlə müxtəlif yaş kateqoriyalarında Perunu gənclər arasında şahmat üzrə dünya çempionatlarında təmsil etmişdir. Bu yarışlarda dörd medal qazanıb: iki qızıl (2009-cu ildə U16,^[5] 2011-ci ildə isə U20 kateqoriyasında^[6]) və iki gümüş (2009-cu ildə U20,^[7] 2010-cu ildə isə U18 kateqoriyasında^[8]). Beş dəfə müxtəlif yaş kateqoriyalarında gənclər arasında keçirilən şahmat üzrə Panamerika çempionatlarında qalib olub (2003 — U10, 2004 — U12, 2007 — U14, 2008 — U16, 2008 — U20).^[9]

2009-cu ildə Kolumbiyanın Kali şəhərində keçirilmiş şahmat üzrə qadınlar arasında 5-ci şəxsi Amerika çempionatında ikinci olub.^[10][11] 2011-ci ildə Ekvadorun Quayakil şəhərində keçirilmiş şahmat üzrə qadınlar arasında 6-cı və 2016-cı ildə Perunun paytaxtı Lima şəhərində keçirilmiş şahmat üzrə qadınlar arasında 8-ci şəxsi Amerika çempionatlarında isə birinci olub.^[12][13]

Deysi Kori dörd dəfə şahmat üzrə qadınlar arasında keçirilən dünya çempionatlarında iştirak edib:

• 2010-cu ildə Antakyada ilk turda ukraynalı Mariya Muzıçuka uduzub;^[14]
• 2012-ci ildə Xantı-Mansidə ilk turda rusiyalı Anna Uşeninaya uduzub;^[15]
• 2015-ci ildə Soçidə ilk turda çinli Ley Tintszeyə uduzub;^[16]
• 2017-ci ildə Tehranda ilk turda rusiyalı Alina Kaşlinskaya uduzub;^[17]

2015-ci ildə Azərbaycanın paytaxdı Bakı şəhərində keçirilmiş şahmat üzrə Dünya Kubokunda iştirak etmiş, lakin elə ilk turdaca rusiyalı Vladimir Kramnikə məğlub olaraq turnirdəki iştirakını dayandırmışdır.^[18]

Perunun qadınlardan ibarət milli komandasının tərkibində beş dəfə Ümumdünya Şahmat Olimpiadalarında çıxış etmişdir (2004, 2010–2016).^[19]

Deysi Korinin kiçik qardaşı Xorxe (doğ. 1995) kişilər arasında beynəlxalq qrosmeysterdir.^[20]

• FIDE Chess profili
• Deysi Kori. Chess-DB.com Arxivləşdirilib 2016-08-26 at the Wayback Machine  (ing.)
• Deysi Kori. Chessgames.com  (ing.)
• Deysi Kori. 365Chess.com  (ing.)