Futbol üzrə 9-cu Avropa çempionatı (isv. Europamästerskapet i fotboll 1992, ing. UEFA Euro 1992) — final turniri 1992-ci il 10-26 iyun tarixində İsveçin dörd şəhərində keçirilən futbol yarışı. Final turnirində 8 komanda iştirak etmişdir. Onlardan yeddisi seçmə mərhələsində qrup qalibləri olmuş komanda idi. İsveç millisi isə çempionatın ev sahibi kimi final turnirinə birbaşa vəsiqə qazanmışdır. Bu, 8 komandanın iştirakı ilə keçirilən futbol üzrə sonuncu Avropa çempionatı olmuşdur. Sonrakı çempionatda final turnirinin iştirakçılarının sayı bundan iki dəfə çox idi.

UEFA Avro 1992
Yarış məlumatları
Ev sahibi	İsveç
Tarix	10-26 iyun 1992
Başlama tarixi	10 iyun 1992
Bitmə tarixi	26 iyun 1992
Komanda sayı	8
Stadion sayı	Rosunda (Stokholm), Ullevi (Göteborq), Malmö stadionu (Malmö), İdrottsparken (Norrçöpinq)
Yekun nəticəsi
Çempion	Danimarka
İkinci	Almaniya
Üçüncü yer	Niderland  İsveç
Yarış statistikası
Oyun sayı	15
Qol sayı	32 (matç başına: 2.13)
Tamaşaçı sayı	430.111
Mükafat sahibləri
Bombardir(lər)	Dennis Berqkamp Henrik Larsen Karl-Haymts Ridle Tomas Brolin (hər biri 5 qol)
← 1988 1996 →
Vikianbarda əlaqəli mediafayllar

SSRİ dağıldığına görə püşkatmadan iki həftə əvvəl SSRİ millisinin yerinə MDB millisinin iştirakına icazə verilmişdir.

Danimarka millisinin çempionluğu hamı üçün gözlənilməz olmuşdur. Belə ki, bu komandanın çempionatda iştirak edəcəyinə final turnirinin başlamasına bir neçə gün qalmış qərar verilmişdir. Çünki seçmə mərhələsində Danimarkanın təmsil olunduğu 4-cü qrupda birinci yeri Yuqoslaviya millisi tutmuşdur. Danimarkalılar qrup ikincisi olaraq final turnirinə vəsiqə əldə edə bilməmişdilər. Amma Yuqoslaviya da SSRİ kimi dağılmış, bununla belə keçmiş SSRİ-dən fərqli olaraq (MDB millisi adı altında) keçmiş Yuqoslaviyanın final turnirində iştirakına icazə verilməmişdir. Bu qərardan sonra turnirin final mərhələsində iştirak edən Danimarkanın heyətlə də bağlı problemləri vardı. Baş məşqçi ilə aralarında narazılıq olduğuna görə millinin, eləcə də Barselona klubunun 28 yaşlı oyunçusu, Mikael Laudrup heyətdə yer almamışdır. Onu da qeyd etmək gərəkdir ki, bu şempionatdan 14 il sonra — 2006-cı ildə Mikael Laudrup Danimarkada bütün zamanların ən yaxşı danimarkalı futbolçusu elan edilmişdir.