Edqar Davids
Edgar Steven Davids (Niderlandca tələffüz: [ˈɛdɡɑr ˈdaːvɪts] (
dinlə) ;13 mart 1973[1][2][…], Paramaribo) — Surinam əsilli Niderlandlı keçmiş peşəkar futbolçu. Hal hazırda məşqçilik fəaliyyəti ilə məşğuldur.
| Edqar Davids | |
|---|---|
| nid. Edgar Davids | |
 | |
| Ümumi məlumatlar | |
| Doğum tarixi | 13 mart 1973[1][2][…] (51 yaş) |
| Doğum yeri | |
| Vətəndaşlığı | |
| Boyu | 168 sm[3] |
| Çəkisi | 69 kq[3] |
| Mövqeyi | yarımmüdafiəçi |
 Vikianbarda əlaqəli mediafayllar | |
Karyerasına "Ayaks" klubunda başlayıb. Niderland nəhəngi ilə bir neçə yerli və beynəlxalq titullar qazandıqdan sonra, İtaliyanın "Milan" klubuna transfer edilir. Futbolçu daha sonra "Yuventus" klubuna keçir. Sonralar "Barselona", "İnter Milan", "Tottenham Hotspur" və "Kristal Palas" klublarında çıxış edib.
Futbolçu Niderland milli komandasının heyətində 74 oyunda oynayaraq 6 qol vurub.
Öz nəslinin ən böyük və ən tanınan oyunçularından biri olan Davids tez-tez qlaukoma səbəbiylə taxdığı saçları və qoruyucu eynəkləri ilə futbol meydançasında fərqlənirdi.[4][5] Döyüşkən və enerjili, eyni zamanda yaradıcı və bacarıqlı yarımmüdafiəçi olan Davids aqressivliyi, mövqe seçmə və sərt mübarizə tərzinə görə Lui van Qaal tərəfindən "Pitbull" ləqəbini alıb.[6][7]
2004-cü ildə o, Pele tərəfindən seçilmiş, FIFA 100 dünyanın ən yaxşı yaşayan futbolçuları siyahısında yer alır.
Həyatı redaktə
Davids Surinamda anadan olub və afro-surinamlı və ana nənəsi tərəfindən qismən yəhudi mənşəlidir.[8]
Davids körpə ikən ailə Hollandiyaya köçur. Onun əmisi oğlu Lorenzo da futbolçudur.
Klub karyerası redaktə
Ayaks redaktə
Davids karyerasına 12 yaşında "Ayaks" klubunda başlayıb. O, komandada debütünü 6 sentyabr 1991-ci ildə "RKC Waalwijk" üzərində 5–1 hesablı ev oyununda edir.
Davids, Amsterdam klubu ilə üç Erediviziya çempionluğu, həmçinin 1992 UEFA Kuboku və 1995 UEFA Çempionlar Liqası çempionluğunu qazanır.
Milan və Yuventus redaktə
_clashing_with_Gennaro_Gattuso_(A.C._Milan)_-_20030528.jpg)
1996–97 mövsümünün əvvəlində Davids komanda yoldaşı Maykl Reizigerlə birlikdə "Milan"a transfer edilir. Mövcud çempion "Milan"ın iki dəfə baş məşqçi dəyişdiyi və A Seriyasını 11-ci pillədə bitirdiyi uğursuz mövsümdə Davids 23 fevral 1997-ci ildə "Peruca" ilə oyunda zədələnərək ayağını sındırır. Zədədən sonra komandadakı yerini bərpa edə bilmədiyi üçün 1997-ci ilin dekabrında 9 milyard italyan lirəsi (3 milyon funt sterlinq) transfer haqqı qarşılığında Yuventusa transfer edilir.
Yuventusda o, tezliklə daimi əsas komandasının üzvü olur. "Yuventus"da adətən sol cinahda və ya mərkəzdə dayaq yarımmüdafiəçisi kimi çıxış edərək, fransız oyun qurucusu Zinəddin Zidanla birlikdə diqqətəlayiq orta sahə tandemi yaradır.[9]
Davids "Yuventus"la 1998, 2002 və 2003-cü illərdə A Seriya çempionluğu, həmçinin iki İtaliya Superkuboku qazanmaqla Turində altı uğurlu mövsüm keçirdir. "Yuventus"un məşqçisi Marsello Lippi bir dəfə onu "mənim tək adamlıq maşın otağım" adlandırır.[10]
Barselona (icarə) redaktə
Davids 2004-cü ilin yanvarında "Yuventus"dan icarə əsasında "Barselona" klubuna keçir. Klubun orta sıralarda qərarlaşdığı bir mövsümün ortasında komandaya gələn Davids, "Barselona"nın inkişafına kömək edir və klub mövsümu "Valensiya" klubundan sonra ikinci yerdə bitirir.
Davidsin gəlişi Kataloniya klubunun 2000-ci illərin ortalarından axırlarına qədər (onillik) İspaniya və Avropa futbolunda dominantlığının katalizatoru kimi göstərilir.
İnter Milan və Tottenhem Hotspur redaktə
2004-cü ilin yayında Davids üç illik müqavilə ilə İtaliyanın "İnter Milan" klubuna keçir.[11]
"İnter" 2005-ci ilin avqustunda onunla müqaviləsinin qalan hissəsini pozur.
"İnter"dən sonra futbolçu azad agent kimi "Tottenhem Hotspur" klubuna keçir.[12]
Ayaksa dönuş redaktə
Davids 28 yanvar 2007-ci ildə Niderlanda qayıdaraq "Ayaks" ilə müqavilə imzalayır.
Kristal Palas redaktə
20 avqust 2010-cu ildə Davids İngiltərə Çempionatı klubu "Kristal Palas" ilə müqavilə bağlamışdır.
Milli karyerası redaktə
Davids Niderlan millisində debütünü 20 aprel 1994-cü ildə Tilburqda İrlandiya Respublikasına qarşı oyunda etmişdir.
Məşqçilik karyerası redaktə
2011-ci ilin iyununda Davids Yohan Kroyf ilə birlikdə "Ayaks"da komandanın müşahidə şurasına seçilmişdir.
Barnet redaktə
2010-cu ildən Davids Londonda yaşamağa başlayır və küçə futbolunda iştirak edir, həmçinin bazar günü həvəskar komanda olan "Brixton Yunayted" klubunu çalışdırır. 11 oktyabr 2012-ci ildə Davids, Mark Robsonla birlikdə oynayan məşqçi kimi İkinci Liqa komandası olan "Barnet"ə qoşulur.
Telstar redaktə
2020-ci ildə Davids Hollandiyanın Eerste Divisie klubunun "Telstar" komandasına köməkçi məşqçi təyin edilir.
4 yanvar 2021-ci ildə Davids Portuqaliyanın "SC Olhanense" klubunun baş məşqçisi elan edilir. 19 iyul 2021-ci kl tarxində buradakı vəzifəsindən qovulur
Uğurları redaktə
Ayaks
- Erediviziya: 1993–94, 1994–95, 1995–96
- KNVB Kuboku: 1992–93, 2006–07
- Johan Cruyff Shield: 1995
- UEFA Çempionlar Liqası: 1994–95
- UEFA Kuboku: 1991–92
- UEFA Super Kuboku: 1995
- Qitələrarası Kubok: 1995
Yuventus
- A Seriyası: 1997–98, 2001–02, 2002–03
- İtaliya Superkuboku: 2002, 2003
İnter Milan
- İtaliya Kuboku: 2004–05
Niderland Millisi
- FIFA Dünya Kuboku dördüncü yer: 1998
Fərdi
İstinadlar redaktə
- ↑ 1 2 Edgar Davids // Transfermarkt (çd.). 2000.
- ↑ 1 2 Edgar Steven Davids // Enciclopèdia de l'esport català (kat.). Grup Enciclopèdia, 2012.
- ↑ 1 2 3 https://www.eurosport.com/football/edgar-davids_prs239/person.shtml.
- ↑ "Goggles are Davids' most glaring feature". Archived from the original on 2013-05-19. İstifadə tarixi: 2022-02-20.
- ↑ ""Dedicated followers of fashion"". 2013-01-17 tarixində arxivləşdirilib. İstifadə tarixi: 2022-02-20.
- ↑ "Edgar Davids: One-on-One". 2022-02-20 tarixində arxivləşdirilib. İstifadə tarixi: 2022-02-20.
- ↑ ""Davids: Dutch can go all the way"". 2013-12-08 tarixində arxivləşdirilib. İstifadə tarixi: 2022-02-20.
- ↑ (#empty_citation)
- ↑ "David v Goliath?". 2016-03-03 tarixində arxivləşdirilib. İstifadə tarixi: 2022-02-20.
- ↑ (#empty_citation)
- ↑ inter.it Arxivləşdirilib 2018-09-22 at the Wayback Machine, Edgar Davids joins Inter, 11 July 2004
- ↑ [1] Arxivləşdirilib 2006-11-12 at the Wayback Machine, Tottenham complete Davids signing, 3 August 2005
