1993-cü il – Azərbaycan Güləş Federasiyası təsis olunub.^[2] AGF 1993-cü ildə Beynəlxalq Güləş Federasiyaları Assosiasiyasına (FİLA, indiki adı ilə UWW) üzv qəbul olunub^[3].

1993-1997-ci illərdə Etibar Məmmədov, 1997-2007-ci illərdə Abbas Abbasov, 2007-2018-ci illərdə Fazil Məmmədov və 2018-2021-ci illərdə Namiq Əliyev AGF-nin prezidenti vəzifəsini icra edib.

2021-ci ildə AGF-nin Ümumi Yığıncağının növbədənkənar iclası keçirilib və Mikayıl Cabbarov federasiyanın prezidenti seçilib.^[4].

Azərbaycan Güləş Federasiyası güləş üzrə idman klublarının və cəmiyyətlərinin könüllülük, üzvlərinin hüquq bərabərliyi prinsipləri əsasında yaradılan, güləş idman növünün Azərbaycanda inkişafını təmin edən qeyri-hökumət təşkilatıdır və fəaliyyəti Azərbaycan Respublikasının ərazisini əhatə edir. Azərbaycan Güləş Federasiyasının hüquq və vəzifələri “Bədən tərbiyəsi və idman haqqında” qanunla tənzimlənir.^[5]

2002-ci il – Kişilər arasında sərbəst güləş üzrə Avropa Çempionatı isə Bakıda təşkil olunub.^[6]

2004-cü il –  Azərbaycanda sərbəst güləş üzrə Dünya Kuboku keçirilib.^[7]

2007-ci il – Azərbaycanda güləş üzrə dünya çempionatı keçirilib. Həmin mundialda o dövr üçün rekord sayda 92 ölkədən 797 idmançı Bakıda qələbə uğrunda mübarizə aparıb.^[8]

2010-cu il – Azərbaycanda güləş üzrə Avropa çempionatı keçirilib.^[9]

2012-ci il – Azərbaycanda sərbəst güləş üzrə növbəti Dünya Kuboku keçirilib.^[10]

2012-ci il – Bakıda yeniyetmə güləşçilərin dünya çempionatı keçirilib.^[11]

2022-ci il – Azərbaycanda ilk dəfə yunan-Roma güləşi üzrə Dünya Kuboku təşkil edilib.^[12]

Olimpiya Oyunları redaktə

1996-2020-ci illər –Azərbaycan idmançılarının iştirak etdiyi son 7 Olimpiya Oyunlarınlarında əldə edilmiş 49 medaldan 25-i güləşin payına düşür.

İl	Yarışın adı	Qızıl	Gümüş	Bürünc	Cəmi
2020	Yaponiya	0	1	2	3
2016	Braziliya	0	3	6	9
2012	Böyük Britaniya	2	2	3	7
2008	Çin	0	1	2	3
2004	Yunanıstan	1	0	0	1
2000	Avstraliya	1	0	0	1
1996	ABŞ	0	1	0	1
	CƏMİ	4	8	13	25

Dünya Çempionatları redaktə

1993-2022 – ci illərdə Azərbaycan güləşçiləri böyüklər arasında dünya çempionatlarında 85 medal qazanıblar.

2009-cu ildə - Danimarkanın Herninq şəhərində keçirilən dünya çempionatında rekord nəticə qeydə alınıb. Həmin yarışda güləşçilər 10 (3 qızıl, 4 gümüş, 3 bürünc) medal qazanıb.^[13]

2009-cu ildə - Sərbəst güləş üzrə ən yaxşı nəticə qeydə alınıb. Danimarkada güləş üzrə Azərbaycanın milli komandası dünya ikincisi olub.^[14]

2009-cu ildə qadın güləşi üzrə güləşi üzrə Azərbaycanın milli komandası komanda hesabında dünya çempionu olub.^[15]

2023-cü ildə keçirilən dünya çempionatında yunan-Roma güləşi üzrə Azərbaycanın milli komandası komanda hesabında dünya çempionu olub.^[16]

İl	Yarışın adı	Qızıl	Gümüş	Bürünc	Cəmi
1994	Türkiyə	0	1	0	3
	Finlandiya	0	2	0
1998	İran	0	1	0	1
2002	İran	0	1	0	2
	Rusiya		1
2003	ABŞ	1	0	0	1
2006	Çin	0	1	1	2
2007	Azərbaycan	1	0	1	2
2008	Yaponiya	0	0	1	1
2009	Danimarka	3	4	3	10
2010	Rusiya	2	2	3	7
2011	Türkiyə	2	1	5	8
2013	Macarıstan	0	2	2	4
2014	Özbəkistan	1	3	3	7
2015	ABŞ	2	3	3	8
2016	Macarıstan	0	0	2	2
2017	Fransa	1	0	2	3
2018	Macarıstan	1	2	2	5
2019	Qazaxıstan	1	3	2	6
2021	Norveç	1	1	4	6
2022	Serbiya	1	1	5	7
2023	Serbiya	2	5	-	7
	CƏMİ	19	34	39	92

Avropa çempionatları redaktə

1992-ci ildən iştirak etdikləri böyüklər arasında qitə birinciliklərində Azərbaycan güləşçiləri 186 medal qazanıb.

2009-cu il – Sərbəst güləş üzrə yığmamız komanda hesabında Avropa çempionu olub.^[17]

2017- Sərbəst güləş üzrə Azərbaycanın yığma komandası Avropa çempionu olub.

2018-ci ildə Rusiyanın Kaspiysk şəhərində keçirilən Avropa çempionatında 18 (4 qızıl, 5 gümüş, 9 bürünc) medal qazanılıb. Bu, qitə birincilikləri arasında güləşçilərin əldə etdiyi ən uğurlu nəticədir^[18].

2009, 2017, 2022, 2023 – Sərbəst güləş üzrə Azərbaycan yığması 4 dəfə komanda hesabında Avropa çempionu olub^{[19][20][21][22]}.

2022-ci il Yunan-Roma güləşi üzrə Azərbaycanın milli komandası Avropa çempionu olub.^[23]

İl	Yarışın adı	Qızıl	Gümüş	Bürünc	Cəmi
1993	Türkiyə	1	2	0	3
1994	İtaliya	1	0	0	1
1995	İsveçrə	2	0	1	3
1996	Macarıstan	1	0	2	3
1997	Polşa	0	1	0	1
1998	Belarus	0	1	0	1
1999	Bolqarıstan	0	0	1	1
2002	Azərbaycan	1	1	1	3
2003	Latviya	1	0	0	1
2004	Türkiyə	0	0	1	1
2005	Bolqarıstan	1	1	0	2
2006	Rusiya	0	1	2	3
2007	Bolqarıstan	1	0	1	2
2008	Finlandiya	2	1	4	7
2009	Litva	5	2	2	9
2010	Azərbaycan	7	2	1	10
2011	Almaniya	6	0	8	14
2012	Serbiya	2	0	4	6
2013	Gürcüstan	0	1	6	7
2014	Finlandiya	3	5	2	10
2016	Latviya	2	2	4	8
2017	Serbiya	2	3	3	8
2018	Rusiya	4	5	9	18
2019	Rumıniya	4	2	7	13
2020	İtaliya	2	2	9	13
2021	Polşa	1	2	5	8
2022	Macarıstan	3	6	7	16
2023	Xorvatiya	5	6	3	14
	CƏMİ	57	46	83	186

Dünya Kuboku redaktə

Azərbaycan güləş yığmaları 3 dəfə Dünya Kubokuna sahib olub.

2004-cü ildə Bakıda keçirilən yarışda finalda Rusiya yığmasına qalib gələn sərbəst güləş üzrə milli komanda kuboka sahib çıxıb^[24].

2009-cu ildə Sərbəst güləşçilər İranda keçirilən Dünya Kubokunun finalında isə yerli komandaya qalib gələrək 2-ci dəfə kuboka sahib çıxıb^[25].

2015-ci ildə Tehranda keçirilən yarışda finalda Yunan-Roma güləşi üzrə milli Rusiya yığmasına qalib gələrək Dünya Kubokuna sahib çıxıb.^[26]

• Rəsmi saytı
• Azərbaycan Güləş Federasiyası sosial şəbəkələrdə:
  • Facebook
  • Instagram
  • Tiktok
  • Youtube
  • Twitter