Bu gün 9 may 2024, Cümə axşamı (İlin 19. həftəsi); bu an saat 04:06 UTC

6. Həftə

Vikipediya məqalələrindən

• Toskananın Val-di-Kyana vadisində yerləşən Arezzo şəhərinin sakinləri ənənəvi olaraq "Mona Liza"nın (şəkildə) fonunda təsvir edilən peyzajın onların şəhərinə aid olduğunu hesab edirlər.
• Tarixdə adı yazıya alınmış ilk şəxs e.ə. 3400-3000-cü illərə və Şumer mədəniyyətinə aid olan tabletlərdə rast gəlinən və mühasib olduğu güman olunan Kuşimdir.
• Nurvest-Şpitsbergen Milli Parkının ərazisində XVII əsrə aid olan balina ovçusularının məzarları vardır.
• İrəvanda nəşr olunmuş "Lək-lək" jurnalı indiki Ermənistanda türk dilində nəşr olunan ilk mətbuat orqanı olmuşdur.
  

bax – müzakirə et – redaktə et – tarixçə

7. Həftə

Vikipediya məqalələrindən

• Bosniya və Herseqovinanın Mostar şəhərindən keçən Neretva çayı üzərində inşa edilmiş Mostar körpüsü Balkanlarda İslam memarlığının ən nümunəvi əsərlərindən sayılır.
• Rusiya Elmlər Akademiyasının antropologiya və etnoqrafiya muzeyi olan Kunstkamerada Şimali Amerika kontinentində yaşamış yerli xalqların - eskimosların, aleutların və hinduların ənənəvi mədəniyyətlərini əks etdirən zəngin kolleksiya saxlanılır.
• 1999-cu ildə "Parni iz Baku" (şəkildə) ABŞ-ın Nyu-York şəhərində konsert verib.
• 2016-cı ildə "Cambridge Analytica" şirkəti ABŞ-ın seçki kampaniyasının və Böyük Britaniyanın Avropa İttifaqından çıxmasına dair referendumun gedişində istifadə olunmaq üçün 87 milyona yaxın Facebook istifadəçisinin şəxsi məlumatlarını, o cümlədən İtaliyada 214,134 istifadəçinin şəxsi informasiyalarını əldə edib.
  

bax – müzakirə et – redaktə et – tarixçə

8. Həftə

Vikipediya məqalələrindən

• Dünyada ilk Ruhi xəstəxana 705-ci ildə Bağdad şəhərində, VI Əməvi xəlifəsi I Vəlidin öndərliyi ilə açılmışdır.
• Azərbaycan polyaklarından olan mexanik və mesenat Vitold Zqlenitski xeyriyyəçilik fəaliyyətlərinə görə Bakıda Polşalı Nobel kimi tanınırdı.
• Behbud Mustafayev Roma-Katolik kilsəsi tarixində katolik din xadimi olan ilk azərbaycanlıdır.
• Hyu Qlass (şəkildə) qrizli ayısı tərəfindən hücuma məruz qalmasına baxmayaraq 200 mil (320 km) məsafə qət edərək, sağ qalmağı bacarmışdır.
• XX əsrdə Amerikada kommunistlərə qarşı Qırmızı təhlükə təbliğatı aparılmışdır.
• Edqar Allan Ponun Qələbəlik adamı hekayəsi əsas obrazın London küçələrində tanımadığı bir nəfəri təqib etməsindən bəhs edir.

bax – müzakirə et – redaktə et – tarixçə

9. Həftə

Vikipediya məqalələrindən

• Afrikanın ən məşhur memarlıq abidələrindən biri olan Cənnə Böyük məscidi (şəkildə) qədim şəhər Cənnə ilə yanaşı 1988-ci ildə YUNESKO tərəfindən Dünya irsi siyahısına əlavə olunub.
• Qədim Misir mifologiyasında axirət dünyasının baş tanrısı Anubis sayılsa da, sonrakı dövrlərdə onun bir neçə funksiyası tanrı Osirisə keçmişdir.
• Mingəçevir SES haqqında ilk elmi məqalə Cəlil Məmmədquluzadənin oğlu Midhət Məmmədquluzadə tərəfindən dərc edilmişdir.
• "Şouşenkdən qaçış" filmi Stiven Kinqin "Rita Heyvort və Şouşenkdən qaçış" romanının motivləri əsasında çəkilmişdir.
• Bakı milyonçusu Musa Nağıyev İsmailiyyə Sarayını gənc yaşda vəfat edən oğlu İsmayıl bəy Nağıyevin şərəfinə tikdirmişdir.
  

bax – müzakirə et – redaktə et – tarixçə