Saytımızda yerləşən Atalar Sözləri və Məsəllər aşağıdakı hərflərə görə qruplaşdırılıb
"Dostluq" haqqında atalar sözləri
- •
Ağıllı düşmən nadan dostdan yaxşıdır.
- •
Arxalı köpək qurd basar.
- •
Atlı çapar, tayını tapar.
- •
Bacar dost qazan, düşmən qapısında.
- •
Baş-başa verməyincə daş yerindən qalxmaz.
- •
Bir dəfə gəldin – yoldaş, iki dəfə gəldin – qardaş.
- •
Bir gün düz yediyin yerə, qırx gün salam ver.
- •
Bir su ki, girdi qaba, oldu içməli.
- •
Birisi minə bağlıdır, mini də birə.
- •
Birlik harada, dirilik orada.
- •
Cəhənnəmə gedən özünə yoldaş axtarar.
- •
Çörək itirən, çörək tapmaz.
- •
Çox qarışqa bir şiri öldürər.
- •
Dağ dağa qovuşmaz, insan insana qovuşar.
- •
Dəli özünə bir dəli yoldaş tapdı, elə bildi ki, çox ağıllıdır.
- •
Doğru dostluq qərəzsiz olar.
- •
Dost başa baxar, düşmən ayağa.
- •
Dost dar gündə sınanar.
- •
Dost dost ilə tən gərək, Tən olmasa gen gərək.
- •
Dost dosta yaman gündə gərəkdir.
- •
Dost min isə azdır, düşmən bir isə çoxdur.
- •
Dost qazan, düşməni nənəm də doğar.
- •
Dost yaman gündə tanınar.
- •
Dost yolunda boran olar, qar olar.
- •
Dost yolunda can qurban.
- •
Dost ziyankar olmaz, ziyankar da dost olmaz.
- •
Dosta borc pul vermə, hər ikisi əldən gedər.
- •
Dostla dağı tez aşmaq olar.
- •
Dostluqla tutub, düşmənliklə yıxma.
- •
Dostun dostu da dostdur.
- •
Dostun evini öz evin bil.
- •
Dostun könlü xoş olsun, düşmən gözü kor olsun.
- •
Dostun versə qum, Al ovcunda yum!
- •
Dostunu göstər, sənin kim olduğunu deyim.
- •
Dostunu mənə göstər deyim necə insansan.
- •
Əkəndə yox, biçəndə yox, yeyəndə ortaq qardaş.
- •
Əli ələ vurarsan, səs çıxar.
- •
Ət ilə dırnaq arasına girən iyiyər, çıxar.
- •
Ev alma, qonşu al.
- •
Gedənə – yoldaş, gələnə qardaş.
- •
Get özünə dost qazan, düşmən ocaq başında.
- •
Həmnişinin bab ilə, Görən desin habelə.
- •
Hər şeyin təzəsi, dostun köhnəsi.
- •
Örtülü bazar dostluğu pozar.
- •
Özgə atına minən tez düşər.
- •
Özgə buzovunu güdənin çatısı əlində qalar.
- •
Özgə qapısını bağlı istəyənin öz qapısı bağlı qalar.
- •
Özgəsinə göz qoyan özünkünü itirər.
- •
Özgəyə quyu qazan özü düşər.
- •
Özünü yorulmuş biləndə dostunu ölmüş bil.
- •
Qanmazla yoldaş olma, səni də qanmaz eylər.
- •
Qonşu iti qonşuya hürməz.
- •
Qonşu muncuğunu götürən, onu ancaq gorda taxar.
- •
Qonşu paxıl olmasa, bağ çəpəri neylər?!
- •
Qonşu payı dolu gələr, dolu gedər.
- •
Qonşu qonşu olsa kor qız ərə gedər.
- •
Qonşu qonşunun itini bayatı çağıra-çağıra tapar.
- •
Qonşu qonşuya baxar, Canını oda yaxar.
- •
Qonşum sağ olsun, ocağından od verməsin.
- •
Qonşunu iki inəkli istə ki, özün bir inəkli olasan.
- •
Qonşunun haqqı axirət haqqıdır.
- •
Qoyun quzusunun ayağını basmaz.
- •
Sidq ilə dost olan ürəkdən də bir gərək.
- •
Soruşurlar: "qardaşını tanıyırsanmı", deyir, "yoldaşlıq etməmişəm".
- •
Tək əldən səs çıxmaz.
- •
Vəfalı dost yad olmaz, görməsə yüz il səni.
- •
Yaddan yoldaş olunca, yoldaş əldən gedər.
- •
Yaxşı dost qardaşdan əzəldir.
- •
Yaxşı dost yaman gündə məlum olar.
- •
Yaxşı dostu yaman gündə sına.
- •
Yaxşı gündə düşmən gələr dost olar, igid odur yaman gündə dayansın.
- •
Yaxşı yoldaş gec tapılar.
- •
Yaxşı yoldaş uzun yolu qısaldır.
- •
Yaxşı yoldaş yaman gündə tanınar.
- •
Yeməklə dost olan illərlə küsülü qalar.
- •
Yıxılan yıxılana yoldaş olar.
- •
Yol haramısı ol, yoldaş haramısı olma.
- •
Yolda yoldaş, evdə qardaş.
- •
Yoldan irəli – yoldaş, evdən irəli – qardaş.
- •
Yoldaş yoldaş ilə tən gərək, tən olmasa gen gərək.
- •
Yoldaşım - eldən,
uşağım - beldən,
dostum - ürəkdən.
- •
Yoldaşını nişan ver, özünü tanıt.